Ocyniajónc same numery musicalowe, to tyn film jes całkiym niyzłóm bollywoodzkóm produkcjóm. Egzotyczne scynerie, fajne dziołchy, przebojowo muzyka. Pod wzglyndym opowiadanyj historii niy jes już niystety tak dobrze, bo to przede wszyskim farsowo kómedia pómyłek, w któryj główny bohater robi wszysko żeby jego cztyry narzeczóne niy dowiedziały sie ło sobie nawzajym. Udanóm postacióm jes wybuchowy ujek-kuchorz, narzeczóne tyż brzidkie niy sóm, ale jednak cało ta fabuła sprawio wrażynie wyjóntkowo gupkowatyj i naiwnyj i może trocha drażnić...