Durno i niysmaczno kómedia - tak sie o tym filmie pisało. A co napisać po jego łobejrzyniu? Jak na kómedia, to niy za dużo tukej gagów. Jak na film o Hitlerze, to trocha za bardzo to pogodne. Gyneralnie film niy jes równy. Sóm wszczónsajónce wóntki obozowe, sóm pokozane gruzy Berlina i pofyrtanie prziwódców III Rzeszy, ale sóm Hitler jes tukej raczyj sympatycznym dziwokiym, a niy demónicznym tyranym. Paradoks, bo film zrobił reżyser żydowskigo pochodzynia i co?

I stworzył nóm na ekranie postać, któro do sie lubić... Szprytnie za to zakóńczył - serióm pytań do przechodniów i gupotóm ich odpowiedzi. Wyłazi w sumie na to, że gupota (bo sporo tu łagodności i przijymnyj projekcji) tego filmu (a tego by my sie niy spodziywali), to nic w porównaniu z gupotóm i ignorancjóm ludzi żyjóncych współcześnie i niy majóncych o rzeczywistych zbrodniach Hitlera zielónego pojyńcia.

Film to ino fikcja, któro idzie oloć - ale co ze świadómościóm miliónów? Oto jes pytanie, które stawio nóm twórca tego dziwnego, a jednak wartościowego filmu...