Kolejno próba zdyskóntowanio sukcesu Indiany Jonesa, niystety średnio udano. Urody grajóncyj tu Leonor Vareli odmówić niy idzie, złowieszczego spojrzynia Malcolm McDowell od czasów KALIGULI, czy MECHANICZNYJ PÓMARAŃCZY tyż niy stracił, rozmach inscynizacyjny jes, ale tyn punkt wyjścia... - załomać sie idzie.

Demóny, skrzidlate diobły (niy nojlepij kómputerowo stworzóne) walczónce ze skrzidlatym faraónym, szatańsko rada bogoczy próbujónco przejóńć władza nad światym, obradujónco w sali w kieryj stojóm rzeźbióne krzesła, których oparcia przipóminajóm rogi baranów abo ruły łod odkurzacza... - poczóntek filmu zniychynco, bo faktycznie niydorzeczności ci tukej co niymiara, a wszysko to w stylu inscynizowanego dokumyntu z kanału DISCOVERY.

Potym jes już trocha lepij, bo zaczynajóm sie wykopaliska i robi sie z tego przigodówka z akcyntami kómicznymi, a niyme sekwyncje a la film z lot '20 sóm całkiym-całkiym szprytnie pómyślane i wplecióne w fabuła. Trocha ścióngnyli tukej z MATRIXA (czorny charakter tyż mo czorny mantel i bryle przeciwsłóneczne), trocha z filmów science-fictión (do świata umarłych bohatery przenoszóm sie prze portal czaso-przestrzynny), ale sympatyczne te główne postacie sóm na tyla, że mimo wszysko polecóm tyn film. Lekko kuriozalny, ale jednak łobejrzeć idzie.