Jasne, że lepszy! Niy ma tukej tego krepla-epla, Michaela Douglasa, za którym niy przepadóm, sóm za to lóndyńskie klimaty z ich nastrojowymi, ciymnymi uliczkami i zaułkami. Sharon Stone może niy jes już tak apetyczno, jak w czyńści piyrszyj (a w filmie tego typu, to może być problym), ale i tak wyłazi z tyj produkcji obrónnóm rynkóm, a jedna wyuzdano scyna na przeszklónym poddaszu powinna usatysfakcjónować wszyskich zbokoli, czekajóncych na "mómynty". Poza tym film jes przewrotny, intrygujóncy i wcióngajóncy, czyli taki, jaki kożdy kryminał być powiniyn i do samego kóńca (nawet po napisach kóńcowych) niy wiadómo wto kogo, za co, po co i jak tu zaciukoł...