Wyniko z niego, że III Rzesza miała być skarbcym sztuki i kultury, czyli, że Hitler był "humanist" ino mu generały kłody pod nogi ciepały, ale był tego świadomy tyn popłakany darwinista wierzóncy w teoria predestynacji, bo jak pado "los musi się dopełnić", a jak musi, to musi. Cieszy mie w tyj produkcji tyż podyjście do tymatyki śmierci. Dyskutuje się tukej ó nij bez skrympowania (np. Adolfa cieszy zbliżajóncy sie wieczny odpoczynek). Na odgłos wyszczału z pistoletu samobójcy bajtel Goebbelsów ryczy: "trafióny!" i genyralnie pytanie "czymu chce pan dalij żyć" wisi w powietrzu. No i ta aktarko, co gro sekretarka mo w sobie coś z Natalki Portman (ale ino na dodatkach na DVD, bo w samym filmie to niy). A tak poważnie, to film jes naprowdy niyzły - psychologiczny film historyczny, który oglóndo sie z zapartym tchym.