- chop, który zawodzi nadzieje fanów, potym je rozbudzo, zaś zawodzi i tak w kółko. Cało jego twórczość, to jedna wielko sinusoida, chocioż cały czos cióngnie te same wóntki (nawet w - na piyrszy rzut oka - beznadziejnyj DZIEWCZYNIE Z JERSEY jes i motyw wypożyczalni, i życio na przedmieściach, no i tytułowe Jersey, pojawiajónce sie we wszyskich filmach). W kóntynuacji kultowych SPRZEDAWCÓW Smith wzbił sie na wyżyny i od czasu swoigo debiutu nakryńcił nojlepszy film! Może nawet lepszy od "jedynki"! Do znanych postaci i ich ekstrymalnych zachowań dociepoł nowych: nerda Eliasza - fana "Władcy pierściyni", czego nasi amatorzy "Gwiezdnych wojyn"darować mu niy mogóm, osła (niy pytejcie w jakij roli...) i Rosario Dawson w roli kierowniczki fast-foodu. Film jes przezabawny, przez chwila dramatyczny, ale w sumie jego pozytywne przesłanie (i musicalowe numery) powodujóm, że niy idzie przestać ó nim myśleć, po tym, jak wylezie sie z kina...