a w jego wspomniyniach o niyszczyśliwyj miłości co chwila pojawiajóm sie oskarżynia Boga i świata o to, co mu sie przidarzyło... Czyli tym razym mómy punkt wyjścia, jak w klasycznyj literaturze epoki rómantyzmu, ale zaroz potym przipómni sie wiyńźniowi jego młodość spyndzóno na wsi, a co za tym idzie przeniesymy sie w świat znany głównie z filmów socrealistycznych - bo oto na wsi pojawił sie prónd, zbudowali szkoła, szpital, a traktor jes najważniyjszóm maszynóm dlo gospodorza. Do tego dojdzie jeszcze baśniwowo atmosfera Pakistanu (wnyntrza jak z filmów o Alladynie), bo ukochano skazanego jest bogoczkóm stamtónd i wreszcie elemynty dramatu sóndowego (bo przeca wtoś Shah Rukh Khana musi z tyj ciupy spróbować wycióngnóńć). Kolejny bollywoodzki miszóng-maszóng gatunkowy, który oglóndo sie z zachwytym i zdumiyniym, że tak im sie te kino w Indiach udaje...