Słaby to film. Pora faktów z życio tragicznie i tajymniczo zmarłyj sexbómby tukej jes, ale dziury w scynariuszu sóm gigantyczne, przeskoki co pora lot nagminne, a próby chociożby pokozanio stoczynia sie aktorki w nałóg alkoholowy i narkotykowy pozostajóm poza obrymbym zainteresowanio filmowców. Willa Ford gro niyźle, ale tyż za bardzo niy mo co. Po projekcji niy wiadómo jakóm osobóm Smith była (naiwnóm?), jak sie uzależniła (?), czymu przez lata niy wyłaziła z chałpy (?), co przeżywała (?)... Fakty z jyj życia sóm, ale poszczegać jóm po tym filmie idzie, jako tako jakoś niylogiczno osoba... Chocioż może to jes sposób na biografia? Pokozać fakty bez ich interpretacji... Ale suche fakty to i suchy film... I to jeszcze tak powybiyrane piónte przez dziesiónte... Lepij poczytać łó nij w Wikipedii i kaj ińdzij na necie, niż paczeć na tyn kiepski obyczaj...