Noel

1 godz. 36 min.
6,5 10 362
oceny
6,5 10 10362
6 175
chce zobaczyć
{"type":"film","id":109311,"links":[{"id":"filmWhereToWatchTv","href":"/film/Noel-2004-109311/tv","text":"W TV"}]}
powrót do forum filmu Czekając na cud
  • +Czekajónc na cud+ to film z gatunku tych wzruszajóncych i syntymyntalnych świóntecznych opowieści, którymi co roku, w okresie Bożego Narodzynio futrujóm nos na potynga roztómajte stacje telewizyjne. Niy jes to bynajmij zwariowano crazy-kómedia, w któryj zostawióny bez opieki Kevin, abo szalóno rodzina Griswoldów demolujóm i rujnujóm gwiazdkowy nastrój i przebogate dekoracje niyszczyńśników, którym prziszło być ich sónsiadami. Film Palminteriego to pierónym elegancki i scynograficznie urokliwy obyczaj i jakby niy roztómajte, niby to dramatyczne zwroty akcji, mielibymy do czyniynia z półtoragodzinnóm, kinematograficznie ożywiónóm kartkóm z życzyniami. No, ale że wspómniane zwroty i tragiczne zawirowania w fabule sóm, to i wypado sie zastanowić, jak tyn obraz zakwalifikować.

    Na plan piyrszy wybijo nóm sie tukej epizodyczno narracja i budowa tyj historii. No, ale skoro mo sie w obsadzie takie sławy, jak Penelope Cruz, Susan Sarandon i Robina Williamsa, to tyż czeba było kożdymu z nich stworzyć na tyla ciekawo rola, żeby mogli pokozać sie z jak najlepszyj stróny. Bezto tyż widzymy tu krzyżujónce sie losy kilku głównych bohaterów i ich przeplatajónce sie wzajymnie opowieści. Mómyntami sóm óne nacióngane. Kónflikty miyndzy dwójkóm policjantów, miyndzy policjantym, a bohaterkóm granóm przez Penelope Cruz, cióngłe utarczki i niyporozumiynia z pojawiajóncymi sie na kożdym kroku podrywaczami, którzy po chwili okazujóm sie ino przyjacielami-gejami wyglóndajóm na mało prawdopodobne.

    Owszym, oglóndo sie tyn film przijymnie. Przeskoki z jednego gatunku w drugi ? od smutnawych tónów dramatu szpitalnego, przez melodramatyczny rómans, aż po wóntki z kómedii rómantycznyj ? sóm ciekawe do oka, ale po reżyserskim zmyśle naczelnego gangstera Hollywood (w takich rolach przeważnie obsadzany jes dyrygujóncy tu Chazz Palminterii) oczekiwać szło chyba czegoś wiyncyj. Niby sóm jakieś motywy anielskie, reinkarnacyjne, próby samobójcze, ale wszysko to wyglóndo na mistycyzm lukrowany, popkulturowy i daleki od klasycznego wzorca Franka Capry z uwielbianego przez Amerykónów +Cudownego życia+ z 1946 roku.

    Wniosek kóńcowy? Do obsady i atmosfery świóntecznych widoczków warto zerknóńć na tyn film, ale oszczegóm - opowiedziano tu historia może lekko roszczarować.


  • ulubione Ogromnie piykno recynzyjo. Je żech fest rada, że zech na nia trefiła.