Reżyserów piyńciu, scynarzystów dziesiyńciu - wtoś mo jeszcze jakieś pytania odnośnie czymu to taki chaos i poszczególne wóntki i sekwyncje klejóm sie słabo? Ale sóm i plusy... Peter Sellers robi (jak chyba zawsze) swoje, scynografia jes naprowdy imponujónco w całym tym popartowskim rozmachu, a Ursula Andress powinna sie nazywać Undress, bo nic ino rozbiyrać jóm wzrokiym! Woody Allen jes nawet zabawny (szkoda ino, że go tak mało i że to jednak niy jes za bardzo wyrafinowany humor). Za to drażni mie arogancki i napuszóny David Niven - tyn zawodzi tukej nojbardzij...