Niyzło ekranizacja. Pewnie, że idzie sie czepiać niykonsekwyncji (smoka urealnili i bardzij wyglóndo jak jaki dinozaur, ale zaś karzeł Alberyk jes uwspółcześnióny i mo... dredy). Poczóntkowo bołek sie, że bydzie to film-kuriozum a la kostiumowe "Blanche" z Gerardem Depardieu (zwłaszcza, że Kristanna Loken mo już na swoim kóncie jedyn fantasy-szajsik pod tytułym "BloodRayne"), ale tukej niy jes tak źle. Chopek grajóncy Zygfryda może i wyglóndo jak mody Otto Waalkes (czyli nadowo sie bardzij do kómedii), ale wóntki w fabule pokrewne z motywami z opowieści o Achillesie, czy Mojżeszu robióm swoje, a i pietyzmu wizualnego i dbałości o szczegóły niy idzie twórcóm tego filmu odmówić. Dobry!