Lubia tyn skrómny, ale móndry film. Europa Wschodnio po przełómie z roku 1989 dalij mo kupa problymów wyłażóncych z jij przeszłości, a niy ino takich kiere wiónżóm sie z przeskoczyniym na systym kapitalistyczny. Tukej mómy zaakcyntowany i problym współpracy z kómunistami (przez co wtoś traci stanowisko w rzóndzie) i przodka-nazisty (przez co wtoś może stanowiska niy zdobyć, a i niy bardzo umi sie z posiadaniym takigo przodka pogodzić, abo chocioż zrozumieć czymu nazistóm był). Jes mowa ło kulturze żydowskij, kiero przez II wojna została właściwie z tyj czyńści świata wyciepano, ale i ło cołkiym niydownych wydarzyniach (wojna w byłyj Jugosławii). Solidny film i chocioż narracja przipómino bardzij produkcja telewizyjno niż kinowo, to za tymatyka, za Praga i przede wszyskim za Gina Gershon na ekranie (kolejny roz grajónco – a tukej majónco nawet pora ciekawych teorii do wygłoszynio – psycholożka) dowóm 7-8/10.