Tyn film zaczyno sie jak marzynie literaturoznawcy - użyrajóncy sie z głosym narratorki w swoij gowie bohater zaczyno dochodzić z jakij powieści i jakigo gatunku literackigo sie urwoł. Niystety, roz-dwa trefi w tych swoich poszukiwaniach na fajno dziołcha, a tym samym film popadnie w kónwyncja kómedii rómantycznyj, zwiyńczónyj finałym a la prorodzinno, happyendowo reklama Nutelli. Jako że kibicujymy sympatycznym postacióm tego filmu, to nóm to za bardzo niy zawodzo (czyli ocynióm tyn film pozytywnie!), ale jednak czeba prziznać, że ambicji stykło twórcóm na piyrsze 20 minut, a potym poszli w stróna sympatycznyj rozrywki z (ino) drobnymi, intyligyntnymi akcyntami.