Futurystyczny film akcji, czy inteligyntne science-fiction? Jedno i drugie, ale fakt prziwołania mitu Adama i Ewy robi wrażynie. Bydzie sam wónż, jabko, wiszóncy na kóńcu (niczym Judasz) czorny charakter, no i filozoficzno dociekliwość tego "piyrszego". Potym bydóm ich gónić, ścigać, szczylać sie i skokać z wysokich, wybuchajóncych budynków, ale szkoda byłoby paczeć na tyn film ino z takij - synsacyjnyj - perspektywy. Szkoda, że krytyka niy zauważyła tego filmu, a zachwycała sie drugim i czecim MATRIXYM, które niy były tego warte (tam twórcy jedyne co umieli zrobić, to ponazywać mitycznie bohaterów i pokozać w windzie knefelek z napisym PIEKŁO - kiepskie to było uintelektualniynie). Tukej mómy przinajmij hasełko, kiedy na pytanie o to co to jes Bóg, Steve Buscemi odpowiado: "Wiesz, kiedy czegoś bardzo chcesz, zamykasz oczy i o to prosisz, Bóg to ten koleś, który cię wtedy ignoruje"!!!